Real India!

Kya hai real India!
apne wajan ko chunauti dete school bag
ko dhokar jate kisi Public School ke bacche
ya...
school ki poori aabadi mein se aadhe
sadak par dikhte government school ke bacche

Din bhar Kaam ki thakan se choor
footpath par sote majdoor
ya...
pata nahi khud ko ya kutte ko tahla ke
charbi khatane ki kosis mein lage log

Kaale-neele peele kapdo waale
bhagawan tak jaane ka licience detelog
ya...
bhagwaan se apno ke liye mangte woh log
jinhe ye yakin hai ki ek din sab acha hoga!

Yahin kahin aaspaas hi hai saccha Bharat